Í dag var hafin leit að fundarboði á fyrsta fund nýrrar stjórnar hjá RT5 á Akureyri.
Lögreglan á Akureyri og hjálparsveitir á norðurlandi hafa ekki verið kallaðar út og
hafa ekki fundið fundarboð á fund nr. 552 hjá RT5 Akureyri.
Eftir enga leit hafði lögreglan ekki samband við Ríkislögreglustjóra sem tók málið ekki í sínar hendur og kallaði ekki á sérfræðing sem þufti því að sjálfskipa sig í leitina. Sérfræðingurinn er vefstjóri hjá RT5 og fyrrverandi formaður RT5 og hefur því mikla þekkingu á málinu enda sjálfur lent í því að nærri því týna fundarboði. Sérfræðingurinn, sem skipaði sjálfan sig sem stórnanda leitarinnar, hefur nú leitað stanslaust í 5 mínútur hefur notast við best fáanlegu tækni við leitina. Tækni þessi heitir Google Leit og hefur verið til í mörg ár og verið notuð um allan heim í leitir af þessu tagi og reynst afar vel.
Þrátt fyrir þessa viðalitlu en tæmandi leit hefur hún engan árangur borðið en ekki er öll nótt úti enn og mun það skýrast á þegar líður á daginn hvort fundurinn verður haldinn eða ekki. Líklegt þykir að nýkjörinn formaður hafi einfaldlega ekki gert ráð fyrir því að þurfa að senda fundarboð nema með stuttum fyrirvara eða jafnvel að hann hafi sett upp forritið iSent í iPhone símann sinn sem á að sjá um svona lagað. Eftir að hafa innt sérfræðinginn að þessu sagði hann að margir hefðu lent í veseni með iPhone og forrit af þessu tagi og líklegt að forritið iForget hafi verið sett upp í staðinn. Þá sagði sérfræðingurinn að þeir sem lendi verst úti vegna svona mistaka þurfi ekki að óttast því iPay forritið í símanum sem SÍS, Samtök Íslenskra Siðameistara, hafi látið setja í alla iPhone síma, muni senda athugasemd til Siðameistara RT5 sem geti tekið á málinu með hörku.